Amma FK komin

jamm

Iðunnarsakn

Mamman er nú ansi fjarri Iðunni, komin alla leið til Víetnam...búin að vera á ferðinni síðan á föstudag, og enn heil vika þar til hún kemur heim. Við erum samt búin að vera duglegar að skæpast....það er alveg yndislegt að eiga þó möguleika á að skrafa saman í gegnum netið. Annars gengur allt vel hér - skemmtilegt fólk, flott hótel, framandi mannlíf....góður matur. Frekari fréttir þegar ég kem heim.
Hanoieplið

Stund milli stríða 2!

Við erum komin heim frá Vín eftir yndislega daga í óvenju hlýju veðri. Helgi var fyrst einn í heimsborginni við kynningu á forritinu sínu og tókst víst mjög vel upp. Allir ánægðir og mikið gaman. Við Iðunn vorum ekki alveg eins hressar, báðar með einhverja smá lumbru, en nutum nú samt ferðarinnar. Reyndar byrjaði ferðalagið ekki vel, því við fórum með lest til Gatwick og gistum þar áður en við fórum í flug. Lestin var vatnslaus og því búið að læsa öllum klósettum, og lestin of full til að hægt væri að finna laust sæti til að skipta á litlum dömum, ekki fór betur en svo að Iðunnin var orðin gengdrepa þegar við komumst loks á Gatwick. Þar tók ekki betra við, því þegar Iðunn loks var sofnuð upphófst mikill skarkali, og var þá maðurinn í næsta herbergi að lumbra ansi harkalega á eiginkonunni....eplamamma hringdi út allt tiltækt lið... sem kom á staðin og stillti til friðar...en eftir þetta allt saman var lítið sofið...sérstaklega þar sem vekjaraklukkan hringdi klukkan 4 til að koma okkur út á völl í flug.

En þegar til Vínar var komið var bara yndislegt. Fengum lánaða fína íbúð miðsvæðis hjá Katrínu vinkonu minni. Hittum Eyþór yndislega eitt kvöld á bar sem var skreyttur myndum eftir Dieter Roth, þó enginn vissi hvers vegna (ég spurði!). Fórum á jólamarkað með Katrínu og fjölskyldu. Röltum um bæinn og upplifðum stemmninguna. Settums á Ugluhreyðursvínbarinn og ræddum við eigandann sem er vinur Grétu og Susan. Fórum í dagsferð í sveitina að hitta Katrínu í nýjum heimkynnum og eiga góðar stundir með nýja vini okkar honum Vincent litla. Fórum í dýragarðinn að skoða skemmtilegar skeppnur með stelpunni okkar. Myndir af þessu öllu má sjá á myndasíðunni hér til hliðar.

Nú erum við komin heim. Eplamamma þarf að skipta skjótt um í töskunum, enda fer hún til Hanoi á föstudag, en sem betur fer kemur amma fanney á mánudaginn til að létta undir með Helga og skemmta Iðunni.
Nóg að gera á þessum bæ!!

Stund milli stríða

Við mæðgurnar höfum það gott hér í Victoria Road, þrátt fyrir að pabbann vanti. Iðunn er reyndar búin að vera að spyrja hvar pabbi sé, og loks sættumst við á að pabbi væri í flugvélinni. Hún er búin að tala mikið um að Iðunn og mamma verði nú að fara í flugvélina líka, sem stendur reyndar til, en mamman hefur gefið lítið út á það hingað til, því allt sem maður lofar á þessum bæ verður helst að standast innan næstu tveggja mínútna!
Á morgun leggjum við svo af stað til fundar við Helga. Iðunn fer á leikskólann og svo sæki ég hana um 3 eh og þá keyrum við til Darlington og tökum lest til London, og þaðan til Gatwick. Gistum þar um nóttina og svo með flugi til Vínar einhverntíma um 6.30 fyrir hádegi á laugardag. Það er náttfatadagur í leikskólanum á morgun, svo það verður gaman að sjá svipinn á lestarfarþegum og hótelgestum þegar Iðunn birtist í kuldaskóm og náttfötum - en á móti kemur að þetta eru ábyggilega þægileg ferðaföt, og ekki þarf að taka sig til fyrir háttinn þegar við komum loks á hótelið, sem verður eftir venjulegan háttatíma hjá dömunni.
Vonandi getum við bloggað eitthvað frá Vín.
Toodiloo! Una og Iðunn ferðalangar

Hér má bæta við smá Iðunnarsögu: Aðfaranótt gærdagsins gerði hræðileg vatnsveður, og rigndi enn þegar við Iðunn keyrðum í vinnuna um morguninn. Undir birtingu sitjum við föst á ljósum og þá rekur Iðunn augu í hóp u.þ.b. 60-80 blauta stara sem sitja í hnipri á þakskeggjum nærliggjandi húsa. Hún vildi endilega benda mér á þetta: Mamma mamma, bíbíar gráta rigningunni! Snillingur hún Iðunn!!

Tómt í kotinu

Hér erum við búin að eiga yndislega daga með Diljá og ömmu Gobbu. Diljá er búin að fræða okkur um lífið í Edinborg, og greinilegt að hún er að njóta sín þar. Amma Gobba var voða fegin að hitta Iðunnina sína, og saman höfum við átt margar góðar stundir og hlegið ansi mikið. Veðrið var reyndar ansi leiðinlegt síðustu daga, en við létum það ekki spilla skapinu.
Nú er aftur á móti orðið hljótt í kotinu. Diljá fór á sunnudagskvöld, amma Gee fór svo í morgun til að líta Edinborgarlífið eigin augum, og klukkutíma seinna hélt Helgi af stað til Vínarborgar. Nú erum við mæðgurnar orðnar einar eftir og ansi tómlegt eftir skemmtun síðustu daga. Erum samt bara ansi sáttar hérna í rólegheitunum - Iðunn lét pabbaleysið ekkert á sig fá, og fór sæl í rúmið á settum tíma eftir að hafa borðað allan kvöldmatinn sinn. Nú hlökkum við bara til að hitta pabba aftur í Vín á laugardaginn. Nóg að gera eins og alltaf í eplafamilíunni!

Lasin en hress!

Iðunnin er lasin. Fékk háan hita í gærkvöldi og fékk að vera heima í dag. Samt er stelpan ansi vel hress. Mamma hefur aflýst kennslu á morgun til að vera heima hjá Iðunni, og svo pabbi nái að undirbúa fundinn í Vínarborg í næstu viku. Vonandi verður svo fullri heilsu náð á ný á föstudag, þegar von er á ömmu Gee og Diddú (Diljá) í helgarheimsókn. Nóg að gera!

Sheffield ferð

Eitthvað hefur tafist fréttaflutningurinn af ferðinni okkar til Sheffield. Myndir eru þó komnar inná myndasíðuna fyrir nokkru. Helgin var hin allra skemmtilegasta, og það var yndislegt að hitta þær Grétu og Susan, þó Iðunn hafi reyndar endurnefnt þá síðarnefndu Rúsínu - ég held að Susan hafi bara verið ánægð með nýja nafnið! Helgi fór að sjá "Edie and Thea", og hafði mjög gaman af - myndin fór sigurför um Sheffield eins og alls staðar annars staðar sem hún kemur, enda yndisleg og afskaplega góð fyrir sálina.

Smá hlé

Núorðið er aðallega bloggað um helgar á Iðunnarblogginu. Hér er þó smá myndahlé sem stendur, því familían er farin til Sheffield í helgarferð og gleymdi að taka með sér myndavélasnúruna. Ferðin er til að eplapabbi geti farið að sjá Edie and Thea, a Very Long Engagement - myndina þeirra Grétu og Susan sem hefur farið sigurför um kvikmyndahátíðir heimsins að undanförnu. Vonandi náum við líka að hitta þær yfir kaffibolla eða matarbita. Við ákváðum að nýta ferðina og taka okkur bara afslappelsishelgi fjarri heimilinu. Við tókum því rólega í morgun og lögðum svo af stað um hálf ellefu. Ókum til Leeds og fórum þar á veitingastað sem við höfðum séð í matreiðslukeppni í sjónvarpinu (F-word með Gordon Ramsey) og sem unnið hafði til verðlauna sem besti Local Ítalski matsölustaðurinn í Bretlandi. Hann reyndist vægast sagt frábær. Barnvænn, með yndislegt starfsfólk og hreint dýrlegan mat. Iðunn hámaði í sig Calamari og bakaðan mozrella ásamt öðru góðgæti, og ekki spillti fyrir að fá smá ís í lokinn. Hún sat sæl og glöð í klukkutíma og þrjú korter yfir matnum, og geri aðrir betur tæplega tveggja ára. Að loknum málsverði héldum við til Sheffield og á hótelið okkar sem reyndist sambyggt Sheffield United leikvanginum. Að öðru leyti hið allta fínasta hótel - stutt í miðbæinn, stórt herbergi, smartar innréttingar og ekki of dýrt. Við spókuðum okkur aðeins í bænum og nú erum við komin upp á herbergi. Iðunnin er sofnuð og við eplapabbi fáum okkur rauðvínsglas og njótum lífsins.
Yndislegt!

Nú er hún Una á nýju skónum

Fátt kætir eplamömmu meira en nýir skór - sérstaklega ef það eru rauðir skór!

Helgargaman

Það er fátt sem Iðunni þykir skemmtilegra en krakkar og róló, og á sunnudaginn fékk hún hvort tveggja! Við skruppum til Darlington að heimsækja Alice vinkonu Iðunnar, og jafnframt Alicarforeldrana, Ross og Bridie. Veðrið var leiðinlegt fram eftir degi, en eftir hádegi stytti loksins upp, og litlu dömurnar fengu að renna sér og róla í "kvöld"sólinni (kl 15,30). Við fórum í ofsalega fínan almenningsgarð í Darlington sem heitir South Park, og þar var bæði flottur róló, andapollur og fuglabúr....gaman gaman!