Hér gleymdist að segja sögu úr júrópartíinu. Iðunn er voða áhugasöm um fólk og þá sérstaklega önnur börn. Ég hef reyndar tekið eftir að hún hefur samt lítinn áhuga á pínulitlum ungabörnum. Þetta skýrðist aðeins í partíinu um helgina. Iðunn sýndi Nínu litlu lítinn áhuga fram eftir kvöldi, en þegar hún loks kom auga á hana skoðaði hún hana lengi vel þangað til hún var alveg viss hvers konar skepna væri þar komin. Loks dettur upp úr minni: Kisa! Mjááá mjááá!! ...og svo teygði hún sig til að strjúka henni eins og köttunum hérna heima - Sniðug stelpa hún Iðunn okkar.
3 ummæli:
Fyndið!!!!!!!!
Amma G
Hahahaha krúttið :D
Hún er nátturulega bara algjör dúlla :D
Knús frá Bostonliðinu sem les Iðunnarfréttir á hverjum degi !
Fríða, Gunnar og María Dís
Iðunn kann lagið á svona krílum eða eins og skáldið sagði:
Komir þú í hús, þar sem kaffi er ekki á borðum,
og kunnir ekki við að biðja um það með orðum.
Stattu þá hjá frúnni, um stund án þess að tala,
stjúktu á henni bakið og þá fer hún að mala.
Skrifa ummæli