Litli skriðdrekinn

Iðunn er búin að vera að reyna að finna frelsið í smá tíma, en í dag komst hún loksins á almennilegt skrið og lætur nú ekkert stöðva sig! OK hún kemst bara afturábak sem stendur en þetta er ekkert svona liggja eins og skata og mjaka sér áfram skrið...ó nei! Hún fer alla leið uppá hnén spyrnir svo hressilega með höndunum þar til hún er aftur orðin flöt en mun aftar en áður og endurtekur svo leikinn. Vart má líta af henni þá er hún komin fram á gang eða stigapall, svo nú verður maður að passa að láta hana ekki á gólfið án þess að loka á eftir sér fyrst. Mig grunar að við verðum að fara í IKEA um helgina að fjárfesta í hliði fyrir stigann. Eins er nú loksins komin góð ástæða til að minnka snúrufjöldann sem liggur eins og spagetti um allt gólf.
En í kvöld sofnaði amk enginn jafn sæll og stelpan sem fer sínar eigin leiðir, með bros á vör og ofur grobbin!

Verst er að mamman verður að fara að ryksjúga oftar, því ástandið á buxum barnsins kemur upp um mann ef langt líður á milli gólfþrifa....

UPDATE Kl. 20.00
Ég gat ekki annað en hlegið þegar ég leit inn á Iðunni rétt í þessu - litla daman er sofnuð á fjórum fótum, í miðri skriðstellingunni! Verst að ég þorði ekki að taka mynd ef hún skyldi vakna...